Frammanudan hevur Fólkaflokkurin tryggjað sær býráðslimin hjá Tjóðveldinum, Boga Andreasen.
Alt hetta er við til at styrkja Fólkaflokkin í Tórshavnar býráð. Flokkurin, sum fyrr var tann sterki í Havn, men sum hevur mist hesa posisjón og er farin aftur um bæði Javnaðarflokkin og Tjóðveldi.
Sterku menninir á fólkaflokslistanum eru Sjúrður Olsen við 410 atkvøðum seinast, Jan Christianasen við 374 atkvøðum og Vagnur Johannesen við 286.
Fólkaflokkurin fekk 22 prosent av atkvøðunum við seinasta býráðasval. Tað eru næstan fimm prosent fleiri, enn flokkurin fekk á løgtingsvalinum í fjør, og tí kann flokkurin helst seta nøsina fram ímóti einum úrsliti, sum gevur nøkulunda tað sama sum seinast. Og um so verður, so verður bara pláss til tríggjar mans á listanum – so er spurningurin, um tað verða tjóðveldis- ella sambandsálbogar, ið megna at kveistra fólkafloksmenninar til viks. Jan Christiansen hevur 28 ár á baki í býráðnum, Sjúrður Olsen hevur 12 ár á baki, og Vagnur Johannesen hevur eitt valskeið á baki í Tórshavnar býráð.
