Tríggir umsøkjarar eru til embætið, ið ætlandi verður sett 1. apríl, skrivar Fólkakirkjan á heimasíðuni.
Kirkjuráðið í Nólsoy og kirkjuráðið við Havnar kirkju fara at taka støðu til umsóknirnar og gera eina innstilling innan hálvan mars.
Tað er landsstýrismaðurin við kirkjumálum, ið útnevnir sóknarprestin til kallið.
Í prestagjaldinum eru tvær kirkjusóknir: Havnar kirkja og Nólsoyar kirkja.
Afturat kirkjunum eru onnur tænastustøð, til dømis stovnar, ellis- og røktarheim og sambýli.
Fýra prestar eru knýttir at prestagjaldinum. Tveir sóknarprestar, sjúkrahúspresturin og dómprósturin.