Fótbóltur
Andrias Lava Olsen, sum var innskiftur fyri Andrew av Fløtum, tá góðir tjúgu minuttir restaðu, heldur, at føroyingarnir skuldu byrjað trýstið á rumenarnar áðrenn.
- Vit eru ov seinir. Teir fáa ein mann útvístan tíðliga í seinna hálvleiki, og tá eru møguleikin fyri stigi avgjørt góðir.
Hvussu var at koma inn í ein tílíkan dyst sum einsamallur framherji?
- Tað var torført, og tað tekur altíð nakrar minuttir at koma fyri seg. Men eg eri nøgdur. Føroyska landsliðið má dúva upp á skjótálop, og tí er tað sjálvsagt, at tú verður eitt sindur einsamallur. Men vit stríddust væl, og stuðlaðu hvørjum øðrum, sigur Andrias Lava Olsen, sum hevur góðar vónir at vinna sær pláss í byrjunaruppstillingini.
