Til jóla kemur ein nýggjur filmur um Trølla Pætur og Trølla Ommuna. Tey er í ferð við upptøkurnar nú.
- Hesaferð verða allar upptøkurnar gjørdar í Føroyum, og hesin bussurin verður ein høvuðspallur í filminum, sigur Niclas Heri Jákupson, høvuðsmaður í verkætlanini.
- Børnini í Margitar Barnagarði í Klaksvík hava hjálpt okkum at mála bussin, sum er rættiliga pedagogiskur. Á aðrari síðuni hava tey málað tøl uppá, hinum megin bókstavaraðið. Aftan fyri á bussinum er ein klokka, sigur Niclas Heri Jákupsson, sum leggur dent á, at børnini skulu hava gleði av bussinum.
Bussurin verður kortini ikki bara brúktur í filminum, tí komandi vikuna fer hann at koyra runt við Bassa hjá Eik Banka í sambandi við føðingardagin hjá Bassa.
Tað er Zacharis Hammer, sum stendur fyri upptøkunum av nýggja Trølla Pætur filminum.
