Tey vóru farin úr Gøtu árla á morgni við bussi. Fyrsti steðgur teirra var í barnaheiminum hjá tí eina læraranum, Hallbjørg, ið er ættað úr bygdini.
Har hevði mamma hennara borðreitt við einum góðum drekkamunni, áðrenn farið varð oman á sandin at hugna sær.
Hóast tey hugnaðu sær, so var hetta eisini ein annar máti at undirvísa í: Tey funnu ein hóp av skeljum og øðrum, ið natúrliga hoyrir til eina slíka fjøru.
- Tað er stórur munur á sandinum her og honum í Gøtu: Okkara er brimpláss, men her funnu vit ymiskt, sum vit ikki síggja hjá okkum, siga tey. Alt tað tey funnu, verður tikið við í skúlan har tað skal nýtast í innlæringini í millum annað føroyskum, nú tey fara at seta navn á hvønn einstakan lut.
Eftir at hava hugnað sær á sandinum eina tíð, vitjaðu tey í kirkjuni og í kirkjugarðinum, áðrenn tey fóru fram í Dal, tey nevna.
Her skuldu tey steðga eina løtu, áðrenn matpakkin skuldi etast heima hjá Hallbjørg, ið eigur hús innarlaga í Hvalvík.
Seinnapartin kom bussurin aftur eftir teimum, og síðani varð leiðin løgd aftur til heimbygdina.
Tey 13 børnini
Í 1. flokki í Gøtu skúla eru 13 næmingar – 8 gentur og 5 dreingir.
Dreingirnir eru: Fríði, Jónas, Arnbjørn, Sámuel, Hans, Tonni, Viktor og Magnus.
Genturnar eru: Kristianna, Bjørg, Inga Maria, Hanna og Anna.
Lærararnir eru: Julia og Hallbjørg.
