Klokkan 14 verður fyrsta bríkslið í næsta fýra tíma langari fótbóltsuppgerð í Belfast millum Norðurírland og Føroyar.
Talan verður í fyrra umfarinum um U21 landsdystin, sum byrjar klokkan 14 á The Oval stadion í Belfast, og seinni í dag fer A-landsliðið í eldin.
Heðin Askham og Bill Jacobsen eru venjarar hjá U21 landsliðnum, og teir hava sett hetta liðið at byrja:
Teitur Gestsson, HB Høgni Eysturoy, B36, Rógvi S. Holm, HB, Erling D. Jacobsen, Víkingur, Jan Ellingsgaard, ÍF - Dánjal á Lakjuni, ÍF, Hallur Hansson, HB, Karl Løkin, ÍF, Róaldur Jakobsen, B36, Kaj Leo í Bartalsstovu, Víkingur - Klæmint Olsen, NSÍ
Á beinkinum: Petur Meinhard Magnussen, B68, Jógvan Isaksen, KÍ, Uni R. Petersen, ÍF, Rógvi E. Nielsen, 07 Vestur, Gunnar Zachariasen, AB Danmark, Rene S. Joensen, Brøndby IF Danmark
Sammett við liðið, sum 31. mai megnaði málleysan javnleik í Gundadali ímóti Norðurírlandi, eru tríggjar broytingar gjørdar: Teitur Gestsson er í málinum í staðin fyri Kristian Joensen, sum er skaddur, og Róaldur Jacobsen og Hallur Hansson eru á miðvøllinum í staðin fyri Gunnar Zachariasen og Andre Olsen.
Tað regnaði fyrr í morgun í Belfast, men nú er turt, og líkindini at spæla fótbólt eru góð, verður sagt úr føroysku leguni í Belfast.
