Føroyskir tónleikarar plaga ofta at vera á plakatini, tá danski Spot Festivalurin hvørt ár fer av bakkastokki. Í ár er einki undantak, og higartil eru heili fýra føroysk nøvn kunngjørd.
Talan er um Gretu Svabo Bech, Leu Kampmann og Joe and the Shitboys.
Lea Kampmann bleiv kunngjørd í dag. Um hana sigur Spot Festivalurin millum annað:
– Hennara tónleikur er melidiøsur og atmosferiskur við einum poetiskum enskum tekstuniversi. Tónleikurin kann best lýsast sum dreampoppur.
Dreingirnir úr Joe & the Shitboys blivu eisini kunngjørdir í dag. Har sigur Spot Festivalurin soleiðis:
– Biseksuellir ✅ Punk ✅ Veganarar ✅ Denim overalls ✅.
Greta Svabo Bech bleiv kunngjørd 20. februar. Um hana sigur Spot Fetivalurin m.a. soleiðis:
– Greta Svabo Bech hevur verið víða um í tónleikinum: frá at hava gjørt eitt mega-hitt við Deadmau5 til at skapa eina tónleikalegu fyri gentur í Føroyum.
Spot Festivalurin verður í døgunum 30. apríl - 3. mai í Århus.
##med3##
##med2##
