EB/Streymur misti í dag møguleikan at vinna FM. Eftir tapið á heimavølli ímóti NSÍ er felagsliðið níggju stig aftanfyri tey bæði oddaliðini.
B36 og NSÍ vunnu bæði torførar útidystir 1-0, og í báðum førum varð málið skorað í 2. hálvleiki ? í Streymnesi í yvirtíðini.
HB er framvegis seks stig aftanfyri tey bæði oddaliðini. Talan var um stóran avgreiðslusigur ímóti VB/Sumba, sum nú tykist vera fokið úr Formuladeildini.
Enn sær tað út til, at AB hevur somu kós, sum suðuroyingarnir hava, men vónin er betri í kvøld fyri Formulafótbólti á Argjum næsta ár, enn hon var undan hesum umfarinum. Við sigri á KÍ tók AB seg tvey stig inn á B71, sum fekk eitt stig á Skála. Nú er munurin seks stig, og í næstsíðsta umfari skal B71 spæla á Argjum.
Úrslit í 22. umfari:
HB-VB/Sumba 6-2 (3-1)
EB/Streymur-NSÍ 0-1 (0-0)
AB-KÍ 3-1 (1-1)
GÍ-B36 0-1 (0-0)
Skála-B71 0-0
Støðan eftir 22 umfør
B36 48 stig
NSÍ 48 stig
HB 42 stig
EBS 39 stig
KÍ 28 stig
Skála 27 stig
GÍ 26 stig
B71 23 stig
AB 17 stig
VBS 11 stig
23. umfar sunnudagin 23. september
KÍ-GÍ
NSÍ-AB
HB-EB/Streymur
VB/Sumba-B71
B36-Skála (mánadagin 24. september)
