Toyota, sum í dag er heimsins størst bilaframleiðari, byrjaði fyri umleið 100 árum síðan sum ein verksmiðja, ið framleiddi vevar til klædnaídnaðin. Stovnarin av Toyota Motor Company var Kiichiro Toyoda, sum saman við pápanum Sakichi Toyoda hevði rikið fyritøkuna Toyoda Spinning & Weawing Ltd., sum m.a. framleiddi Toyoda G-type vevar, sum teir høvdu patent upp á.
Í 1936 byrjaði framleiðslan av bilum við modell AA. Sama árið skifti verksmiðjan eisini navn frá Toyoda til Toyota. Fyritøkan eitur í dag Toyota Motor Corporation og kann hátíðarhalda 70 ára føðingardagin sum heimsins størsti bilaframleiðari.
