Tottenham upp um strikuna

Tottenham og Blackburn møttast á White Hart Lane í London í dag. Longu í 9. minutti tryggjaði russiski landsliðsspælarin, Roman Pavlyuchenko Tottenham sigurin, aftaná eina góða sending frá Aaron Lennon. Møguleikarnir hjá Blackburn at fáa stig í hesi botnuppgerðini í Premier League vóru munandi skerdir, tá svenskarin Martin Olsson varð vístur av vølli fimm minuttir áðrenn steðgin. Tottenham hevði gott tamarhald á støðuni, og komu ikki fleiri mál í dystinum. Sigurin lyfti teir hvítu úr London uppá eitt 14. pláss. Blackburn er í ringum skørum. Teir liggja nú næstniðast í Premier League.