Í mong ár hava bretar brúkt tosk til ta kendu máltíðina fish-and-chips, men teir bretar, sum keypa sær eina tílíka máltíð í dag og í framtíðini, kunnu als ikki vera vís í, at tað er toskur, sum tey eta.
Bretskir fjølmiðlar skriva, at annar fiskur er komin inn á tann marknaðin, og at talan millum annað er um fiskaslagið pangasius, sum er alifiskur úr Vietnam.
Orsøkinn er písmunurin.
Fjølmiðlarnir skriva, at eitt kilo av toskaflaki kostar umleið 12 sterlingpund í Bretlandi, meðan eitt kilo av pangasius-flaki fæst fyri umleið sjey pund.
