Hóast eini tvey ensk feløg hava sýnt stóran áhuga fyri at keypa Fernando Torres leysan av sáttmálanum við Liverpool, er hetta ikki eitt tema, sum kemur upp á tal hjá Rafael Benitez, venjara hjá Liverpool. – Eg veit, at umboðsmenn hjá onkrum feløgum hava tosað við okkum í royndunum at fáa ein prís upp á Torres, men eg havi bara sagt, at hann er ikki til sølu. Tað er hann veruliga ikki, og so er fullkomuliga líkamikið, hvussu nógv nakað felag vil betala fyri hann, sigur Rafael Benitez við SportingLife.
