Veðurlagið er gott, og fram við góðu sandstrondini er strandarprominadan við alskyns matstovum. Serliga lokkandi eru tær mongu matstovurnar, ið borðreiða við fiskarættum.
Í býnum er ein sera hugnalig gongugøta, Calle San Miguel. Her er hópin av ymiskum handlum, men serliga hugnaligt er at sita á eini av mongu útimatstovunum og njóta ríka lívið uttan um teg. Við endan av gøtuni er ein brøtt, smøl trappa, ið gongur heilt oman á sandstrondina. Í sjálvari trappuni eru eisini handlar, barrir, matstovur o.t.
Torremolinos hevur eisini ymiskt at bjóða børnum og barnafamiljum. T.d ber til at vitja einastu krokodillulund í Evropa, stóra vatnlandið í býnum ella Tivoli World, sum er ein stuttleikalund við stuttligum aktivitetum fyri børnini.
Vert er eisini at vitja marknaðin í býnum, har til ber at keypa alskyns vørur, sum bæði eru góðar og bíligar.
