Kunningarstovan fyri Sandoyar sýslu, sum umframt Sandoynna, eisini fevnir um Skúvoy og Stóru Dímun, hevur fingið nýggjan leiðara. Nýggi leiðarin er 31 ára gamla, Tordis Kristina á Rógvi, sum í løtuni er búsitandi í Havn.
- Tordis Kristina á Rógvi er cand.mag. í altjóða ferðavinnu, MA í tourism,. eins og hon hevur bachelor í samskifti og sponskum við sergrein í organisatión og leiðslu.
Tað skrivar Sands kommuna á sínari Facebook-síðu.
Lagt verður aftrat, at áðrenn Tordis Kristina á Rógvi flutti heim aftur til Føroya, arbeiddi hon sum menningarráðgevi hjá Región Sjælland, har hon sat einsamøll við menning av økinum. Hon hevur eisini verið í starvsvenjing hjá Visit Tórshavn í eitt hálvt ár.
Nú grækarismessuhald verður á Mørkini Miklu á Sandi mánadagin, 12. mars klokkan 17, fer nýggi kunningarleiðarin fyri Sandoyar sýslu at halda røðu. Eftir sjálvt haldið, verður okkurt gott undir tonna at fáa í hølunum hjá Sands kommunu, har øll eru hjartaliga vælkomin.
