HB hevur fingið tilgongd av Matthias Præst Nielsen (AB), Mads Borchers (07 Vestur) og Viljormi Davidsen. Nógv bendir á, at næstur í røðini er ein gamal kenningur við navninum Mikkel Dahl.
Sum skilst, so hevur eitt ávíst samskifti verið millum partarnar seinstu tíðina. Mikkel Dahl gav eitt sindur brádliga í HB 2021, tá hann ikki spældi við í november mánaði í 2021, tá steypakappingin bleiv avgreidd. Hann skifti stutt eftir til leiknir í Íslandi, men har hevur gingið illa og liðið flutti niður.
Hann var partur av 2020 liðnum, sum við Jens Berthel Askou á odda vann FM. Í 2021 bleiv hann toppskjútti og valdur til ársins áleypara til Fótbóltsgalla. Nú er líkt til, at hann aftur verður partur av hópinum hjá HB.
