Tann 3. Juli 2021 verður tiltakið Tónavatn í Hvalba.
ÍMYNDIN:
Tað er ein vøkur summarnátt á Heygsvatni í Hvalba. Farið er um miðnátt, tó blómur fáa neyvan tíð at blunda, tí hásummar er. Lotið kennist lýtt, og fólk savnast kring Heygsvatn, sum durvar í kvirru.
Fólk í árabátum samlast runt um tónleikapallin, ið flýtur á vatninum, meðan horntónleikur, stjórnaður av Tróndi Enni, blandast við náttúrunar kvøldarljóð.
Allar ættir tiga og áraknarr er einasta ljóð, ið hoyrist – brádliga trína Greta, Frostfelt, Frum og Marius á pallin og himmalrúmið fyllist við kátum, søtum og rørandi tónum.
Hetta er TÓNAVATN.
KONSEPTIÐ ÍTØKILIGA
Ein heilt serstøk náttaruppliving í vøkru náttúruni á Heygsvatni í Hvalba leygarkvøldið
3. Juli 2021 kl. 22.50 saman við føroyskum lista- og mentafólkum. Vit byrja á sandinum í Hvalba, har G&G fara at vísa teirra nýggjastu kollektión til tónarnar hjá Brynjálvi á Heygum.
Síðani fylgjast vit øll eftir Mýruvegnum niðan á Heygsvatn.
Henda serstaka upplivingin er ókeypis.
Suðuroyar Norðrara Bjargingarfelag og Bóltfelagið Royn syrgja fyri trygdini og fara at
hava eitt trygdarfólk í hvørjum báti og fleiri kring vatnið. Fyri hetta er eitt súmbolskt gjald upp á 100 krónur fyri hvønn áhoyrara.
Á sjógvi og landi
Tað verða umleið 40 føroyskar árabátar úr allari Suðuroynni, so fólk fáa høvi at njóta tónleikin og náttúruna úr bátum á vatninum. Dentur verður lagdur á at geva fólki eina visuella náttúruuppliving, har ongir sølubásar, larmandi motorar, stik og fólk í gulum vestum órógva friðsæluna, ið eyðkennir føroysku summarnáttina.
Sjónbandalýsing av tiltakinum sæst her:
