Todi Jónsson var sendur á vøllin, tá ið tað restaðu 20 minuttir av dystinum hjá Start ímóti Lyn í gjár. Hetta var fyrsti dysturin í norsku landskappingini í ár, og Start royndi at fáa sigursmálið í dystinum. Men hóast vandamikli føroyski álopsspælarin kom inn, eydnaðist tað ikki Start at skora, og dysturin endaði 0-0. Sambært heimasíðuni hjá Start hevði liði uppiborið at vinna dystin, tí Lyn hevði lítið at bjóða, og Start var við yvirlutan alla tíðina.
