Í framtíðini skulu útlendsk skip hava loðs umborð, tá tey koma inn á firðir og sund í Føroyum Hevði ein loðsur verið umborð á russiska trolaranum Olshanu, hevði skipið neyvan farið á Flesjarnar, og nú ætlar landsstýrið, at tílíkt skal ikki endurtaka seg.
-Útlendsk skip, sum koma inn í føroysku firðirnar, skulu hava loðs umborð, sigur landsstýrismaðurin í fiskivinnumálum, Bjørn Kalsø, við Útvarpið.
Hann arbeiðir nú við eini kunngerð, sum skal áseta, at fremmand skip skulu biðja um loðs, tá tey ætla sær inn ímillum oyggjarnar.
