Tjums-tiltakið er nú av, og teir glaðu ungu luttakarnir vísa tað, tey hava málað á tiltakinum.
Framsýiningin er opin fyri øllum í dag klokkan 16-18. Fyriskiparnir selja pannukøkur og kaffi v.m. og heilsa, at øll eru vælkomin
Tjums er tiltak til ung við áhuga fyri at mála Tiltakið hevur verið um vikuskiftið í Reinsaríinum í Havn. Tað snýr seg fyrst og fremst um at mála málningar. Eisini hava tey gjørt ymiskt fyri at verða inspirerað, og tey hava roynt fleiri máta at mála uppá.
Konseptið hjá Tjums hevur við at:
Málningar kenna eingi mørk,
Málarin avgerð sjálvur, hvar hann setur strikurnar
og einki er skeivt innan at mála.
Fyriskiparar eru Annie Lassen og Jeanette Lassen.
