Tjaldrið hevur funnið flogið

Tjaldrið er trúfast og kemur aftur á hvørjum ári. Guli kappróðrarbáturin á Glyvrum er mest sum altíð við í kappingini, men tað hevur verið langt ímillum, at kvinnurnar í 5-mannafarinum hava vunnið. Í 6-mannafarinum Sølmundi hava kvinnurnar á Glyvrum verið við í fremstu røð og eisini vunnið FM.

Genturnar vunnu FM í 1973, sum var fyrsta árið, at kappast var um FM eftir tí leisti, sum framvegis er galdandi. Annars hevur Tjaldrið við gentum og kvinnum ongantíð vunnið FM.

Í dag vann Tjadrið kvinnuróðurin á norðoyastevnu, og harvið eru ábendingar um, at Tjaldrið er kandidatur at vera við í FM stríðnum. Tjaldrið var tað mesta av einari bátslongd undan Bliki av Argjum, sum var eina bátslongd undan Drekanum hjá Havnar Róðrarfelag.

Leikalind hjá Róðrarfelagnum Tindi í Eysturkommunu endaði á fjórða plássi. Tey í Eysturkommunu eru við fleiri manningum av álvara við at bjóða av í kappróðrinum.