Tjaldrið úr Kappróðrarfelagnum NSÍ á Glyvrum við kvinnumanning hevur beina kós ímóti FM heitinum. Tjaldrið hevur 34 stig, go tað eru átta stig aftur til Blik av Argjum, sum er næstfremst í FM kappingini.
Í dag reið tað um snarið hjá Tjaldrinum. Starturin hjá gula bátinum var ikki so góður, sum hann hevur verið fyrr í ár. Fípan Fagra, Blikur og eisini Leikalind og Svanur høvdu hug at bjóða av, men smátt um smátt róði Tjaldrið seg alt longur fram, og so tók Tjaldrið eisini Blik.
Í endaspurtinum vísti Blikur seg at vera rættiliga drúgvur, og tað var heilt spennandi fram ímóti málinum, men Tjaldrið var stavnin og reiðiliga tað undan teimum av Argjum.
| 1 | Tjaldrið (NSÍ) | 05:02.20 |
| 2 | Blikur (AR) | 05:02.38 |
| 3 | Leikalind (Tindur) | 05:05.04 |
| 4 | Svanur (Skála) | 05:05.38 |
| 5 | Fípan Fagra (KRF) | 05:08.04 |
| 6 | Teistin (AR) | 05:08.05 |
| 7 | Drekin (HR) | 05:08.15 |
| 8 | Royndin Fríða (VK) | 05:16.46 |
| 9 | Frúgvin (MR) | 05:21.22 |
stavnur.fo
-
FM støðan
| 1 | Tjaldrið (NSÍ) | 34 |
| 2 | Blikur (AR) | 26 |
| 3 | Leikalind (Tindur) | 25 |
| 4 | Svanur (Skála) | 20 |
| 5 | Drekin (HR) | 13 |
| 6 | Fípan Fagra (KRF) | 11 |
| 7 | Teistin (AR) | 11 |
| 8 | Royndin Fríða (VK) | 0 |
| 9 | Frúgvin (MR) | 0 |
