Tjaldrið er til reiðar

Tjaldur byrjaði væl í fyrsta lands­kappingardystinum í hes­um árinum.
VB hevur runnið aftaná odd­inum seinastu kappingar­árini, og við støði í dystinum í vikuskiftinum, so fara vágs­kvinnur eisini tað komandi mán­aðirnar.
Tjaldur vann uppiborið við sjey málum. Úrslitið var 28-21.

Gjørdu bart
Ikki tí, gestirnir úr Vági stóðu seg væl.
Tær hóttu støðugt í fyrra um­farinum, og eftir hvíldina vunnu tær seg stundum fram­um.
Men miðskeiðis í seinna hálv­leiki setti Tjaldur ferðina upp.
Cornelia Rimbu byrjaði av álvara at gera vart við seg, og hon skeyt fimm av sín­um átta málum seinastu 10 minutt­ir­nar.
Tað var høvuðsorsøkin, at munurin varð heili sjey mál tá av­tornaði.
Cornelia Rimbu var eisini topp­skjútti hjá heimaliðnum.

Útlendska styrkin
Tjaldur hevur vunnið seg upp millum tey fremstu í før­oysk­um kvinnuhondbólti eftir fá­um árum.
Serliga hevur útlendska til­gongdin havt týdning, og tað er líkt til, at støðan verður ikki øðrvísi í hesum kappingar­ár­inum.
Cornelia Rimbu og Adina Petrea stóðu fyri helminginum av málunum hjá heimaliðnum hesaferð.
Tjaldur hevur bara spælt ein landskappingardyst í hesum kappingarárinum, men tað er longu greitt, at tær, saman við Anniku Thomsen, fara at taka høvuðsleiklutirnar á seg.