Jákup Mikkelsen, løgtingsmaður Fólkafloksins vildi hava at vita, um Vinnunevndin hevur umrøtt møguleikan at seta upp vakmyndatól umborð á øllum skipunum til tess at tryggja, at eingin fiskur verður tveittur fyri borð.
Men tann spurningin hevði vinnunevndin als ikki viðgjørt.
– Kanska er tað tí, at vita halda, at føroyski fiskimenn gera ikki slíkt – (altso tveita fisk fyri borð, red.) segði Alfred Olsen.
Hvør skal siga... Sambandsmenn halda ikki, at fiskimenn tveita fisk útaftur, men tað gera fólkafloksmenn eftir øllum at døma.
So er spurningurin, hvør fylgir betur við á feltinum, vinnulívsmenninir í Fólkaflokkinum ella skrivstovumenninir í Sambandsflokkinum...
