Løgtingsval
Valevnislistin hjá Norðurstreymoyar Tjóðveldisfelag til løgtingsvalið er liðugur.
Felagið hevur stillað fýra valevni upp, og eru tað tey somu, sum stillað vórðu upp til seinasta løgtingsval.
Valevnini, sum eru á tjóðveldislistanum í Norðurstreymoy, eru hesi:
Jógva Durhuus, løgtingsmaður, Vestmanna
Heini Holm, borgarstjóri, Kvívik,
Sunniva Kollslíð, skrivstovukvinna, Streymnesi og
Niklái Petersen, skipari, Kollafirði.
Tjóðveldisflokkurin gjørdist størsti flokkur í Norðurstreymoyar valdømi á seinasta løgtingsvalinum, sigur felagið í tíðindaskrivi. Ta ferðina fekk Tjóðveldisflokkurin 599 atkvøður í Norðustreymoy.
