Aksel kann vinna sær atkvøður við at tryggja sínum veljarum, at velja tey Javnaðarflokkin, so verður Jørgen Niclasen hvørki løgmaður ella fíggjarmálaráðharri.
Hetta hevur Høgni Hoydal ikki ráð til, hvussu gjarna hann so vil. Um hann skal gera sær nakrar vónir um at náa víðari á fullveldisleið, so kann tað bara gerast við Jørgen Niclasen sum løgmanni. Tí kann Tjóðveldi ikki útilokað Fólkaflokkin – tvørtur ímóti. Jørgen Niclasen og Fólkaflokkurin eru einasta vón hjá Tjóðveldinum í so máta.
Aksel kann soleiðis dyrgja eftir tjóðveldisveljarum, sum ræðast ella troyttast av Fólkaflokkinum og sosial-liberalum sambandsveljarum. Meðan Kaj Leo er farin at tosa um fullveldi, so hevur Aksel proklamerað Javnaðarflokkin sum samríkisflokk.
– Tjóðveldi má bíða eftir loysingini, áðrenn flokkurin fær bestemmað seg til, um hann er høgravendur ella vinstravendur. Er tað løgið, at blokkpolitikkur í Føroyum er so vónleysur?
