Klokkan hálvgum tólv hóskvøldið varð boðað frá innbroti í skeinkistaðnum Peche í Runavík, men tað gekk bara hálvur tími, so vóru tjóvarnir tiknir. Onkur sá teir og meldaði. Tjóvarnir vóru tveir menn í 20-árunum, og teir vórðu tiknir í Rituvík.
Úr barrini høvdu teir tikið fleiri fløskur.
Annars skuldi ikki verið so trupult at sloppið væl frá innbroti í Eysturoynni eitt slíkt kvøld. Bara ein politibilur koyrir gerandiskvøld, og fer bilurin í Norðoyggjar, skuldi ligið væl fyri.
