Sambært meiningakanningunum tapir Labour valið í Skotlandi í dag. Alt bendir á, at tjóðskaparflokkurin SNP verður tann stóri sigursharrin á skotska valinum í dag.
Sum er hevur SNP 25 av teimum 129 tinglimunum, men kanningar benda á, at flokkurin kann fáa meiri enn 50 limir hesaferð.
Samstundis benda kanningarnar á, at Labour fer at missa 10 av sínum 50 tinglimum, sjálvt um bæði Tony Blair og Gordon Brown hava roynt at stuðla sínum skotsku floksfeløgum.
