Tað var nýggjur vinnari í kappingini millum yngru genturnar í dag. Tað er fjarðastevna í Vestmanna, har róðrarlíkindini eru góð.
Fyrr í ár hava Kjósin úr Kollafirði og Malunarhav úr Fuglafirði vunnið. Í dag var starturin hjá Malunarhavi ikki góður, og tær úr Fuglafirði endaðu á fimta plássi.
Starturin hjá Kjósanum var heldur ikki nakað serligur, men tær úr Kollafirði megnaðu at enda at bjóða av í kappingini um sigurin og endaðu næstfremst.
Nýggjur vinnari í hesi kappingini var Títlingur hjá Havnar Róðrarfelag. Havnar Róðrarfelag hevði tríggjar bátar við í hesi kappingini, og í startinum áttu teir trý tey fremstu plássini. Títlingur vann seg skjótt í fremsta plássið, og tær umborð á Títlingi róðu væl og vóru fremstar um málið.
-
| 1 | Títlingur (HR) | 05:14.00 |
| 2 | Kjósin (KÍF) | 05:14.45 |
| 3 | Spógvin (NSÍ) | 05:18.45 |
| 4 | Ingibjørg (HR) | 05:18.46 |
| 5 | Malunarhav (ÍF) | 05:19.26 |
| 6 | Drekin (HR) | 05:23.39 |
| 7 | Tistil (FSR) | 05:39.03 |
| 8 | Beinta (MR) | 05:48.43 |
stavnur.fo
-
FM støðan
| 1 | Kjósin (KÍF) | 31 |
| 2 | Malunarhav (ÍF) | 26 |
| 3 | Títlingur (HR) | 25 |
| 4 | Drekin (HR) | 21 |
| 5 | Ingibjørg (HR) | 17 |
| 6 | Spógvin (NSÍ) | 15 |
| 7 | Beinta (MR) | 3 |
| 8 | Tistil (FSR) | 2 |
| 9 | Ternan (NSÍ) | 1 |
