Tit Skriva Vit Spæla lutar ein bunka av fløgum út

Útvarpið lutar vanliga út fløgur í sendingini Tit Skriva Vit Spæla, men í sambandi við Spæl Føroyskt Dagin, verður vinningurin risa stórum, tilsamans eini 50 fløgur verða lutaðar út.

Elis Poulsen vertur í sendingini greiddi í morgun frá, at hósmorgunin fara tey at draga lut millum innsendu brøvini hesa vikuna, har er m.a. pakkið við 30-50 ymiskum fløgum, ein annar pakki við teimum seks útvarpsfløgunum, og so fleiri stakar fløgur.
Tey sum ynskja at luttaka í lutakastinum, kunnu skriva til tsvs@uf.fo, við ynski um at hoyra eitt lag.