Endamálið var at gera arbeiðið liðugt í dag og so fara í jólafrí, men tað eydnaðist ikki Løgtinginum at enda viðgerðina av fíggjarlógini fyri 2017.
Tað dróg út við at fáa álitið úr fíggjarnevndini, so tað endaði við, at tingformaðurin, Páll á Reynatúgvu, avgjørdi at slíta fundin og ´seta nýggjan fund mánadagin kl. 13.30.
Skráin mánadagin sær soleiðis út:
1. 3. viðgerð: Løgtingsmál nr. 19/2016: Uppskot til løgtingsfíggjarlóg fyri fíggjarárið 2017
2. 3. viðgerð: Løgtingsmál nr. 42/2016: Uppskot til eykajáttanarløgtingslóg fyri desember 2016
3. 2. viðgerð: Løgtingsmál nr. 26/2016: Uppskot til eykajáttanarløgtingslóg fyri oktober 2016 (Saltsilo)
4. 1. viðgerð: Løgtingsmál nr. 48/2016: Uppskot til løgtingslóg um miðlastuðul(Miðlastuðulslógin)
5. Framløga
