Eirikur Lindenkov
Tá Sosialurin fyri góðum mánaði síðani gjørdi eina spurnarkanning millum tingfólk, um tey vóru fyri at politikarar gingu undan og lækkaðu egnu lønir eini fimm prosent, søgdu 19 tingfólk seg taka undir við hesum.
Síðani tá hevur løgtingið samtykt eina flatskattaskipan, sum gevur fólkum við høgum inntøkum – har ímillum tingfólkum og landsstýrisfólkum – stóran skattalætta.
Millum tey 89 broytingaruppskotini, sum vóru til aðru viðgerð av løgtingsfíggjarlógini hóskvøldið vóru tvey frá Framsókn. Annað var júst uppskotið hjá Sosialinum um at lækka tingmannalønirnar við fimm prosentum.
Uppskotið hevði til endamáls at spara 825.000 krónur og var soljóðandi:
– Boðskapurin frá landsins leiðslu er í løtuni, at øll skulu halda aftur við lænarkrøvum hvør á sínum øki. Tí skulu løgtingslimir og landsstýrisfólk ganga undan og vísa veg. Spurd av einum av dagbløðunum herfyri, um tey vóru til reiðar at fara niður í løn fyribils, svaraðu flestu tingfólk og landsstýrisfólk játtandi. Framsókn mælir til, at lønin hjá tingfólki og landsstýrisfólki verður fyribils lækkað 5%, til javnvág er aftur á fíggjaræógini.
Men hetta uppskotið fall við einum braki. Bara sjey tingfólk atkøvddu fyri, meðan 20 atkvøddu ímóti.
Tey sjey, sum atkvøddu fyri vóru:
Hanna Jensen, Framsókn
Janus Rein, Framsókn,
Sirið Stenberg, Tjóðveldi
Páll á Reynatúgvu, Tjóðveldi
Bjørt Samuelsen, Tjóðveldi
Kristina Háfoss, Tjóðveldi
Høgni Hoydal, Tjóðveldi
Tey 20, sum atkvøddu ímóti vóru:
Gerhard Lognberg, Javnaðarflokkurin
Rigmor Dam, Javnaðarflokkurin
Eyðgunn Samuelsen, Javnaðarflokkurin
Gunnvør Balle, Tjóðveldi
Edva Jacobsen, Sambandsflokkurin
Jóna Mortensen, Sambandsflokkurin
Helgi Abrahamsen, Sambandsflokkurin
Alfred Olsen, Sambandsflokkurin
Reimund Langgaard, Sambandsflokkurin
Bárður Nielsen, Sambandsflokkurin
Eivin Jacobsen, Sambandsflokkurin
Jógvan á Lakjuni, Fólkaflokkurin
Joen Magnus Rasmussen, Fólkaflokkurin
Hanus Samró, Fólkaflokkurin
Elsebeth M. Gunnleygsdóttur, Fólkaflokkurin
Bjarni Djurholm, Fólkaflokkurin
Jacob Vestergaard, Fólkaflokkurin
Jenis av Rana, Miðflokkurin
Bill Justinussen, Miðflokkurin
Jógvan Skorheim, Sjálvstýrisflokkurin
Tey níggju, sum søgdu við Sosialin, at tey vóru fyri, men sum atkvøddu »nei« hóskvøldið vóru:
Gerhard Lognberg, Javnaðarflokkurin
Rigmor Dam, Javnaðarflokkurin
Eyðgunn Samuelsen, Javnaðarflokkurin
Helgi Abrahamsen, Sambandsflokkurin
Reimund Langgaard, Sambandsflokkurin
Joen Magnus Rasmussen, Fólkaflokkurin
Jacob Vestergaard, Fólkaflokkurin
Jenis av Rana, Miðflokkurin
Jógvan Skorheim, Sjálvstýrisflokkurin
