Tingingarnar við teir, sum hava tikið amerikanska skiparan Richard Phillips, eru tiknar uppaftur Tingingarnar millum amerikanskar myndugleikar og umboð fyri sjórænararnar slitnaðu í gjár, tí amerikanararnir kravdu, at sjórænararnir skuldu handtakast, eftir at teir høvdu latið Richard Phillips leysan.
Sjórænararnir hava tvørturímóti kravt, at teir skulu hava loysigjald fyri at lata skiparan leysan, og teir krevja eisini frítt at gara.
Mohamoud Jama, sum umboðar sjórænararnar, sigur við tíðindastovuna AP, at partarnir hava tikið tingingarnar uppaftur, og at nú eru nýggj krøv á borðinum. Hann vil tó ikki siga, hvørji krøv talan er um.
