Í leypi av degnum í dag verður kunngjørt hvør er tilnevndur í hvørjum bólki til ársins spælara. Allar atkvøðurnar eru komnar inn og taldar saman. Eitt samlað yvirlit verður í Vikuskiftis-Sosialinum, sum kemur á gøturnar í dag.
Les eisini: Alt um Ársins Spælari 2016
Sum siður er, so fer Miðlahúsið aftur í ár at skipa fyri, at ársins spælari verður valdur hjá bæði kvinnum og monnum í bestu deildini í føroyskum fótbólti. Hetta verður gjørt í samstarvi við Fótbóltssambandið.
Tað verða venjarar, liðskiparar og ítróttartíðindafólk, sum atkvøða. Tiltakið verður fríggjakvøldið 28. oktober klokkan 19.00 á Hotel Føroyum, har Rás2 fer at hava beinleiðis sending. Hetta er eitt afturvendandi tiltak, sum Miðlahúsið hevur skipað fyri. Talan er um ikki færri enn 20 heiðurslønir, sum skulu latast teimum bestu í føroyskum fótbólti.
Kjósast skal:
Ársins spælari
Ársins ungi spælari (Spælari við U21-aldri)
Ársins málverji
Ársins verjuspælari
Ársins miðvallari (íroknað vengur)
Ársins áleypari
Ársins venjari
Ársins dómari
Ársins lið
