Í morgin, Grækarismessudag, hátíðarheldur Tilhaldið í Tórsgøtu, at 10 ár eru liðin, síðani húsið lat upp
10 ára føðingardagurin verður hildin við ymsum tiltøkum.
Opið hús verður frá klokkan 10-15 við kakao og bollum.
Klokkan 15 bjóðar Jákup Lindenskov, nevndarformaður í Tilhaldinum, vælkomin.
Síðan halda Wanja Petersen, leiðari í Tilhaldinum, og Heðin Mortensen, borgarstjóri, røðu. Gestarøðari verður Jógvan Fríðriksson, biskupur.
Eftir ein felagssang verður drekka og lagkøka í kjallaranum og á 1. hædd, har Árni Hansen situr við flyglið.
Tilhaldið í Tórsgøtu hevur frá byrjan havt sera góða undirtøku.
Í fjør vóru 13.000 vitjandi, og í ár hava longu 800 fleiri vitjað enn í januar og februar í fjør.
- Hetta kemur helst av, at vit nú hava fleiri nýggj tilboð, sigur Wanja Petersen, sum bjóðar øllum at vera vælkomin í førðingardag hjá Tilhaldinum í morgin.
