Lívsins lagna er óskiljandi fyri okkum vanligu menniskju og stutt er ímillum sorg og gleði, men soleiðis er og verður lívið her á fold.
Dánjal var føddur í 1941 og vaks upp á Kjalnesi, har hann luttók í øllum fyrifallandi arbeiði á garðinum. Hann yvirtók garðin fyrst í sjeytiárunum og var ein teirra, sum gjørdist limur í Mjólkarvirkinum frá fyrsta degi. Hann var eisini starvsmaður hjá MBM í eini tíggju ár frá fyrst í áttatiárunum. Hann koyrdi tangabil øll hesi árini og røkti sína uppgávu væl. Hann fór úr hesum starvið tá hann bleiv valdur til formann í Jarðarráðnum, eitt álitisstarv, sum hann røkti í nógv ár.
Dánjal hevði eitt lætt lyndi. Hann var hugnaligur at vera saman við, tað veri seg í álvarsomum løtum og vertskapi. Rossaáhugaðir menn munnu óivað minnast aftur á mangar hugnaligar løtur saman við Dánjali. Vit á MBM sakna hann nógv, hann var ein sannur vinur og nógv avhildin av okkum.
Okkara tankar eru hjá Emly og børnunum og teirra familjum. Má gud geva tykkum styrk í sorg tykkara.
Friður veri við minninum um Dánjal á Kjalnesi.
Eiríkur Thorvaldsson.
