Svartkjafturin er enn í ES-sjógvi, har føroysk skip hava fingið nógv, men har hava íslendsk skip ikki loyvi at royna. Tey noyðast tí at bíða, til fiskurin kemur í føroyskt øki, tí her hava íslendingar kvotu.
Tíggju íslendsk uppsjóvarskip eru komin hendanvegin. Tvey teirra eru úti, og hini liggja við bryggju, nøkur á Tvøroyri og nøkur í Havn.
Higartil í ár hava íslendsk skip fiskað góð 9.000 tons av svartkjafti í føroyskum sjógvi.
