Um 14.30-tíðina í gjár tók løgreglan ein bilførara í miðbýnum í Havn, sum tey hildu var ávirkaður av rúsdrekka.
- Tá bilførarin varð steðgaður og blásti, vísti útslagið meira enn tað loyvda, visti vaktleiðarin á løgreglustøðini at siga í morgun.
Umframt kanningina hjá løgregluni á staðnum, tá bilførarin varð steðgaður, er eisini tikin blóðroynd.
- Nú verður bíðað eftir úrslitinum av blóðroyndini fyri at vita, hvat víðari skal henda í málinum, legði vaktleiðarin aftrat.
