Heilsutrygd hevur sett Thomas Berthou í starv sum kommunulækni í Norðoya læknadømi.
Hann er settur í starvið, sum Magnus Magnussen røkti í mong ár.
Thomas Berthou nam sær embætisprógv innan læknafrøði í 2007, og hann fekk serlæknagóðkenning í almennum medisini í 2014.
- Hann arbeiddi sum kommunulæknaavloysari í Klaksvík eitt hálvt ár í 2014 og hevur síðan arbeitt sum kommunulækni í Tønder í Suðurjútlandi.
Í Klaksvíkar kommunu vita tey at siga, at Thomas Berthou tekur við starvinum eftir summarfrítíðina í 2022.
- Tá verða tríggjar fastar læknaviðtalur á læknamiðstøðini í Klaksvík, siga tey í Klaksvíkar kommunu í dag.
