Tað hevur gingist væl hjá Heina Fossdalsá Sørensen í Thisted í triðbestu donsku fótbóltsdeildini hetta kappingarárið.
Í trimum teimum fyrstu dystunum hetta kappingarárið hevur Heini fingið fulla spælitíð.
Í teimum trimum dystunum eydnaðist Thisted at vinna tveir dystir og spæla ein javnleik.
Í dag var Heini uttanfyri við skaða, tá Thisted spældi móti Helsingør á útivølli, og í dag var fyrsta tapið hjá Thisted veruleiki.
Helsingør vann dystin á Helsingør Stadion 2-0 við einum máli í hvørjum hálvleiki.
Thisted er fjórðfremst í deildini við sjey stigum fyri fýra dystir.
Heini vónar at byrja at venja aftur í komandi viku.
Sunnudagin 1. september tekur Thisted móti Næstved á heimavølli.
