Tað vísir roknskapurin hjá Thetis, sum er kunngjørdur á vinnuvitan.biz í dag.
Eigararnir hava av sonnum spunnið gull av virkseminum hjá kanningarstovuni Thetis, tí av stóra yvirskotinum hava tey goldið 22 milliónir krónur í vinningsbýti til teir báðar partaeigararnar, Maritu Debes Magnussen og felagið hjá Regini W. Dalsgaard, Humin.
Hóast bruttovinningurin er vaksin úr 17 milliónum upp í 37 milliónir, so er starvsfólkakostnaðurin lækkaður úr góðum 9 milliónum krónum niður í 8,6 milliónir.
Skatturin av úrslitinum er 5 milliónir krónur.
Eginognin hjá Sp/F Thetis er nú 3 milliónir krónur í mun til 2,3 milliónir árið fyri.
Men tað er tí, at ein stórur partur av ársúrslitinum er goldin út í vinningsbýtið til teir báðar partaeigararnar sum hava fingið 22 milliónir krónur í vinningsbýti fyri 2021.
