The Dreams framførdi á Bøgescenerne á Skanderborg-festivalinum seinnapartin leygardagin. Gaffa, sum er størsta tónleikablaðið í Danmark, gevur føroysku punkrokkarunum fýra av seks møguligum stjørnum.
Gaffa skrivar á sínari heimasíðu, at áskoðararnir vóru ov lítið við undir framførsluni. Orsøkin var fyrst og fremst, sambært Gaffa, at føroyingarnir vóru á pallinum ein seinnapart.
Heilhugaðu føroyingarnir á pallinum gjørdu eina skikkaða roynd at fáa øll við, men tað eydnaðist ikki, hóast bólkurin hevði uppiborið tað, er niðurstøðan hjá Gaffa.
Les ummælið hjá Gaffa her: gaffa.dk/anmeldelse/41846
