Somwang Anthoniussen, ið er ættað úr Thailandi, hevur leingi havt ein dreym um at lata upp matstovu við mati, sum tey vanliga eta í Thailandi.
Fyri at kanna um grundarlag var fyri at lata matstovu upp, hevur hon í eina tíð selt thaimat í Bygdahúsinum á Strondum.
Sjóvar kommuna veit í dag at siga, at undirtøkan fyri thaimati hevur verið so mikið góð, at Somwang Anthoniussen gjørdi av at keypa bygningin hjá Eik, sum stendur væl fyri miðskeiðis í bygdini.
- Hon hevur nú innrættað bygningin til matstovu, sum er opin gerandisdagar millum klokkan 17.30 og 22, verður lagt aftrat.
