Paetongtarn Shinawatra, sum er dóttir fyrrverandi forsætisráðharran, Thaksin Shinawatra, hevur tryggjað sær atkvøðurnar, sum skulu til fyri at gerast forsætisráðharri í Tailandi.
Tað skriva tíðindastovnurnar, Reuters og AFP.
Hin 37 ára gamla, Paetongtarn Shinawatra, verður harvið yngsti forsætisráðharrin í Tailandi nakrantið.
Sambært úlendsku miðlunum er tað tjóðartingið í landinum, sum hevur givið hinu 37 ára gomlu nóg mikið at atkvøðum til at taka yvir leiðsluna eftir Srettha Thavisin.
Tað var landsins grundlógardómstólur, sum fyrr í hesi vikuni gjørdi av, at Srettha Thavisin skal leggja frá sær sum forsætisráðharri landsins.
Pápi Srettha Thavisin er milliarderur, og hann er ein av kendastu politikarunum í Tailandi. Hann varð frákoyrdur sum landsins leiðari í 2006 og livdi fleiri ár í útlegd.
Paethongtarn Shinawatra er fødd hin 21. august 1986 og er leiðari í flokkinum, Pheu Thai Party.
