Matt Topham leitaði eftir einari brúktari vaskimaskinu á netinum, tá hann og unnustan, Cassey Carrington, funnu út av, at tey høvdu vunnið stívliga 410 miljónir krónur í evropeiska lottarínum, EuroMillions.
- Okkara fyrsti tanki var, hvussu vit kundu hjálpa familju og vinum, sum treingja til hjálp. Eg havi ofta málað stór hús og havi hugsað um, hvussu tað mundi verið at búð í slíkum húsum. Nú havi eg so møguleikan av royna, hvussu tað er, sigur Matt Topham, ið arbeiðir sum málari, við Sky News.
Tað var Cassey Carrington, sum beint frammanundan hevði stovnaði spælikontuna.
- Eg setti eitt minimums krónutal á kontuna og keypti ein seðil til næsta drátt. Onkus vegna føldi eg á mær, at hon fór at vinna í lottarínum.
Á einum tíðindafundi greiddu tey frá, at vaskimaskinan hjá teimum var gingin fyri stutt fyri dráttin. Meðan Matt Topham var á netinum og leitaði eftir einari brúktari vaskimaskinu - ella brúktum lutum til at umvæla hina gomlu - fór hann at hyggja, hvussu tølini í lottarínum vóru fallin.
- Eg samanbar numrini við okkara, men dugdi ikki at skilja, at tey vóru eins við okkara, sigur hann.
Unga parið, sum hevur ætlanir um at gifta seg til heystar, sær nú fram til eina eitt sindur bjartari framtíð. Kortini leggja tey dent á, at tey fara ikki at sløsa pengarnar burtur.
