Tað nyttar ikki nógv at hava hjartastartara og annan útbúnað til fyrstuhjálp kring um á arbeiðsplássum, um fá - ella eingin - dugir at brúka útgerðina.
Í síðstu viku vóru 43 starvsfólk hjá Nes kommunu til fyrstuhjálparskeið. Skeiðið, sum var í Tofta skúla, endaði mikukvøldið við, at luttkararnir fingu skeiðsprógv.
- Millum tey, sum luttóku, vóru starvsfólk úr dagrøktini, barnagarðinum, frítíðarskúlanum, skúlanum, svimjihylinum, teknisku deild og fyrisitingini, veit kommunan at siga.
Undirvísarar til fyrstuhjálparskeiðið vóru frá Sjónámi úr Klaksvík.
