Peningur skal alt fyri eitt setast av til tær allarfátækastu barnafamiljurnar.
Tað krevur Unga Tjóðveldi.
Í eini almennari fráboðan krevja tey, at samgongan setir pening av á fíggjarlógini, soleiðis, at eitt serligt barnaískoytið kann latast beinanvegin til tær barnafamiljur, sum eru ringast fyri
Tey vísa til samrøðu í Sosialinum 29. Oktober, har Eyðgunn Samuelsen, landsstýriskvinna í almannamálum, segði, at samgongan ikki arbeiðir við at veita ein serstakan stuðul til fátækar barnafamiljur í ár.
- Tá Javnaðarflokkurin, Tjóðveldi og Framsókn sótu í andstøðu, hevði málið so stóran skund, at tingið mátti kallast saman í úrtíð. Tá feldu Fólkaflokkurin, Sambandsflokkurin og Miðflokkurin uppskotið.
Men nú flokkarnir sita í samgongu, hava teir broytt støðu og tí krevur Unga Tjóðveldið, at hetta mál verður framt alt fyri eitt.
Tey vísa á, at at eitt serliga barnaískoytið kostar bara kostar tvær milliónir krónur, tað, ið eftir er av árinum. Fyri næsta ár kostar tað eitt sindur meiri enn 10 milliónir krónur.
- Eitt serligt barnaískoyti til fátækar familjur fer ikki at loysa allan trupulleikan við fátækt og ójavna, men hetta er ein byrjan uppá at koma trupulleikanum til lívs, sigur Unga Tjóðveldi.
Trýst HER og les meiri um, hvat Unga Tjóveldi heldur um málið
- Umframt eitt serligt barnaískoytið, eigur samgongan komandi árini at byggja lestrar- og lærlingaríbúðir, og bíligar bústaðir runt um alt landið. Landsstýrið eigur eisini at lækka skattin hjá lágløntum, og at kanna, hvussu vit kunnu lækka kostnaðarsigiði í Føroyum, sum er ov høgt, halda tey í Unga Tjóðveldi.
