- Korunu-virus hevur tíverri fingið fastatøkur á fólkinum í Sisimiut, segði landslæknin í Grønlandi, Henrik L. Hansen, á tíðindafundi seinnapartin í dag.
Hann vísti á, at tað hevur gingið skjótt at spjaða smittu í Sisimiut, har 36 fólk eru smittað eftir einari viku.
- Hetta merkir, segði landslæknin, at talan lutfalsliga er um fleiri enn 500 smittað fyri hvørjar 100.000 íbúgvar í býnum.
Hann segði, at um samanborið við tøl í øðrum londum, er talan um rættiliga stóra smittuspjaðing í Sisimiut.
- Týdningarmiklasta vápnið er koppseting, tí tað eru tey ikki-koppsettu, sum spjaða smittuna. Tað er hetta, sum hendir í Sisimiut, legði landslæknin dent á.
Henrik L. Hansen segði, at tað er væl dokumenterað, at koppseting kann steðga útbrotum, og tí verður stórur dentur lagdur á, at ung eisini verða koppsett.
