Bæði Fíggjarmálastýrið og Starvsmannafelagið siga seg vera nøgd við nýggja sáttmálan millum partarnar.
Nýggi sáttmálin er uppá eitt langt tíðarskeið, 2 ár og 7 mánaðir. Sáttmálin inniheldur eina lønarhækking uppá 7,5%. Henda fellur í trimum. Eftirlønin hækkar við 2,5%, so hon verður 8% í 2003. Samlaða hækking verður set til 12,5%. Miðalhækking hjá limum Starvsmannafelagsins er eini 1000 krónur um mánaðin.
Harafturat sigur sáttmálin, at serliga tey lægst løntu í Starvsmannafelagnum, sonevndi lægstlønarbólkurin, fær størstu hækingina.
Gunleivur Dalsgarð, formaður, sigur, at hesin starvsbólkur ikki er so lítil. Útvið 60% av limum felagsins eru í hesum bólkinum, sum fær størstu ágóðarnar.
16 feløg á almenna arbeiðsmarknaðinum standa nú í røð at slepa til samráðingar, men tó hendir einki, fyrr enn páskahøgtíðin er av.
