25. umfar í bestu landskappingini hjá monnum verður í dag. Bólturin fer á rull íl øllum fimm støðunum klokkan 15.
KÍ hevur longu tryggjað sær FM heitið og gullkrónurnar, meðan tað framvegis er kapping um silvurkrónurnar og bronsukrónurnar og europeisk atgongumerki.
Í botninum er spenningurin stórur í sambandi við niðurflytingarstríðið. Tað eru serliga TB, ÍF og AB, sum eru illa sperd, men B68 er framvegis ikki leyst av hóttanini av at flyta niður.
Felags fyri AB, ÍF, TB og B68 er, at tey í dag eiga heimavøll.
Tað verður sagt frá góðum fótbóltslíkindum seinnapartin. Hann verður landssynningur, vindferðin verður 3 metrar um sekundið og upp í 6 metrar í hvirlunum, sólin fer at kaga undan, tað verður turt, og hitin verður omanfyri 8 stig, tá ið fyrsta bríksl í teimum fimm fótbóltsdystunum verður.
Sunnudagin 8. oktober
ÍF – EB/Streymur: Árni Brandsson Petersen kl. 15.00
B68 – Víkingur: Heini Ziskason Viðoy kl. 15.00
B36 – 07 Vestur: Jóhan Hendrik Ellefsen kl. 15.00
AB – KÍ: Bjarki Danielsen kl. 15.00
TB – HB: Eiler Rasmussen kl. 15.00
| KÍ | 24 | 21 | 2 | 1 | 64 | 16 | 65 |
| B36 | 24 | 17 | 2 | 5 | 49 | 23 | 53 |
| Víkingur | 24 | 16 | 3 | 5 | 63 | 22 | 52 |
| HB | 24 | 15 | 4 | 5 | 61 | 22 | 49 |
| 07 Vestur | 24 | 11 | 4 | 9 | 40 | 36 | 37 |
| EB/Streymur | 24 | 7 | 3 | 14 | 25 | 44 | 24 |
| B68 | 24 | 4 | 9 | 11 | 27 | 43 | 21 |
| TB | 24 | 4 | 4 | 16 | 14 | 55 | 16 |
| ÍF | 24 | 5 | 0 | 19 | 22 | 67 | 15 |
| AB | 24 | 4 | 1 | 19 | 21 | 58 | 13 |
