Ternan gjørdist ikki sum ætlað liðug á bedingini í dag, og tí røkir Jósup siglingina á Nólsoyarleiðini eisini í morgin, hósdagin 10. apríl.
Sam fer at sigla farmatúr av Havnini klokkan 11 og úr aftur Nólsoy umleið klokkan 12.
Arbeiðið upp á Ternuna skuldi ætlandi verða liðugt í dag, og skipið skuldi í sigling aftur í morgin.
Men, soleiðis verður ikki, vita Strandfaraskip Landsins nú at siga.
Myndina av Ternuni á beding í Klaksvík tók Birgir W. Høgnesen.
